Bokschilarimizning yangi mavsumdagi ilk yig'ini davom etmoqda

Terma jamoamizning birinchi, ikkinchi va uchinchi raqamli charm qo'lqop ustalari Toshkent viloyatidagi Yangiobod o'quv-mashg'ulot bazasida yig'inga kirishishgan. Bu joriy yil hisobidan ilk yig'in hisoblanadi. 

Bokschilarimizni 2018 yilda muhim musobaqalar kutib turibdi. Ular orasida eng muhimi Indoneziyada bo'lib o'tadigan Osiyo o'yinlaridir. Bundan tashqari, charm qo'lqop ustalarimiz ko'plab xalqaro musobaqalarda ham yurtimiz sport sharafini himoya qilishadi.

SHuningdek, Butunjahon boks seriyasining navbatdagi mavsumida “O'zbek yo'lbarslari” (“Uzbek Tigers”) jamoasi ham ishtirok etadi.