Bo'lajak chempionlar tarbiyalanayotgan maskan - Piskent

Sportning futbol, qo'l to'pi, yunon-rum kurashi, erkin kurash, voleybol, boks, stol tennisi, belbog'li kurash, shaxmat, taekvondo (ITF) turlari mavjud bo'lgan ushbu BO'SMda hozirda 880 nafar o'g'il-qizlar mashg'ulotlarga zo'r berishgan. Tuman markazida joylashagan BO'SMning sport majmuasida etarlicha shart-sharoitlar muhayyo qilingan. SHinam va ko'rkam sport majmuada bir paytning o'zida bir nechta sport turlari bilan shug'ullanish imkoniyati yaratilgan. Belbog'li kurash, taekvondo, erkin kurash, qo'l to'pi kabi sport turlari bilan oshno bo'lgan o'quvchilar  mamlakat miqyosida o'tadigan musobaqalarda etakchilar qatorida bo'layotgani murabbiylarning jonkuyarligida, o'z ustida ishlashi, izlanishlarida, deyish mumkin.

BO'SM direktori Muxtorxo'ja G'ulomovning takidlashicha, jamoaviy sport turlariga ham alohida etibor qaratilmoqda. Qo'l to'pi bilan shug'ullanayotgan o'quvchilar o'tgan yili oliy liga bahslarida ishtirok etib, to'rtinchi o'rinni band etgani mutaxassislaring qiziqishiga, etirofiga sazovor bo'lgan. Joriy yilda esa, qo'l to'pi jamoasi yanada yuqori natijalarni ko'zlagan holda mashg'ulotlarga astoydil kirishgan.

Piskent tuman jismoniy tabiya va sport bo'limi boshlig'i M.Axrorovning bizga bergan malumotlariga ko'ra esa, sport maktabida, maktabgacha talim muassasalarida, umumiy o'rta talim maktablarida, kollejlarda ertalabki badantarbiya mashqlarining bajarilishi muntazam yo'lga qo'yilgan. Demakki, ertalabki badantarbiyani, gimnastikani odat tusiga aylantirayotgan ekan, uning inson salomatligiga naqadar ijobiy tasir ko'rsatishini tongda turib yugurayotgan yoki egilib mashq bajarayotgan, yuz-ko'zida nurofshonlik ko'rinayotgan odamdan so'rang.

Ilhom RAHMONOV