Bolalarga bering dunyoni... FOTOREPORTAJ

Tadbirga Toshkent shahar Uchtepa tumani “Alixonto'ra Sog'uniy” va “Vatanparvar” mahallasida istiqomat qilayotgan uyushmagan yoshlarning farzandlari ham tashrif buyurdi.

“Milliy tiklanish” demokratik partiyasi Mirzo Ulug'bek tuman Kengashi bilan hamkorlikda tayyorlangan tadbirda iqtidorli o'g'il-qizlar “Ozod va obod yurt”, “Mening oilam - mening faxrim”, “Butun olam ranglari jilosi”, “Mening dadam Vatan himoyachisi” mavzularida rasm chizish, sher aytish, qo'shiq kuylash, raqsga tushish, cholg'u asboblarini chalish kabi manaviy-marifiy tadbirlarda bellashdilar.

SHuningdek, shijoatga to'lib turgan yoshlar velopoyga, shaxmat-shashka, stol tennisi, suzish, savatchaga to'p otish, oddiy usullarda to'p bilan yugurish kabi sport turlari bo'yicha ham kuch sinashdilar.

“Halqaro bolalarni himoya qilish kuni” munosabati bilan barcha ishtirokchilar “SHarafli kasb egasining farzandlari” maxsus tayyorlangan sovg'alar, diplom va ko'krak nishonlari bilan taqdirlandi. SHu bilan bir qatorda, farzandlarida nogironligi bo'lgan harbiy xizmatchilarning oilalariga tashriflar uyushtirilib, ularga sovg'a salomlar ulashildi.

Tadbirdan keyin O'zbekiston Respublikasi Qurolli Kuchlari akademiyasida yaratilgan shart-sharoitlar bilan tanishtirish maqsadida ekskursiya tashkil etildi. Yoshlar Akademiya faoliyati bilan tanishib, chuqur taassurotlarga ega bo'ldilar.

Dildora Abduraxmonova, O'zbekiston Respublikasi Qurolli Kuchlari akademiyasining Xotin qizlar va harbiy xizmatchilarning oila-azolari bilan ishlash  etakchisi

Suratlar muallifi - Alimurod Mamadaminov, o'z muxbirimiz