Bo'yi eng past jahonning sobiq 26-raketkasi 32 yoshida faoliyatini yakunladi

"Umrimning so'nggi 20 yilini tennisga bag'ishladim, ammo US Open musobaqasidan keyin xayrlashish vaqti kelganini tushundim. Orzularim qatoriga men 16 yoshimda uyni va menga odatiy bo'lgan hamma narsani tashlab ketdim. Floridaga ko'chib o'tdim va bir yildan kamroq vaqt ichida professional tennischiga aylandim.

Hech qachon eng baland bo'yli ham, eng istedodli ham bo'lmaganman, lekin nimani xohlashimni bilardim. Bo'yim 165 sm, Turdagi eng past bo'yli tennischilardan biri edim, lekin bu hech qachon meni cheklamadi. Men qatiyatli edim. Buni o'ziga xos namuna bo'lish va boshqalarni ilhomlantirish imkoniyati deb bildim. O'ylaymanki, buni uddaladim", - deb yozdi amerikalik tennischi.

Devis professional tennischilik faoliyati davomida ikkita WTA yakkalik chempionlik sovrinini qo'lga kiritdi. U US Open-2025 saralash bosqichidan so'ng kortga chiqmadi. Bu turnirda u birinchi bosqichdayoq mag'lub bo'ldi. Aynan US Open uning faoliyatidagi so'nggi musobaqa bo'lib qoldi.