Boyovutda O'zbekiston kubogi start oldi

O'zbekiston Respublikasi Jismoniy tarbiya va sport vazirligi hamda O'zbekiston milliy belbog'li kurash federaciyasining yillik taqvim-rejasidagi mazkur kubok bellashuvlarida Qoraqalpog'iston Respublikasi, Toshkent shahri va viloyatlardan 250 nafardan ortiq yosh polvonlar ishtirok etishmoqda. 

Mazkur kubok bahslarida o'g'il bolalar erkin va klassik yo'nalishlarda o'n bir vazn toifasida bellashishayotgan bo'lishsa, qizlar erkin yo'nalishda ettita vazn toifasida o'zaro kuch sinashishmoqda. Musobaqa doirasida shuningdek, tantanali ochilish marosimi ham tashkil etildi. 

Marosimda so'z olgan Boyovut tumani hokimi o'rinbosari Rustam Do'stmurodov, O'zbekiston  milliy belbog'li kurash federaciyasi raisi Ravshan Dastirov, Sirdaryo viloyat belbog'li kurash bosh murabbiyi Husniddin Berdibekovlar bugun mamlakatimizda jismoniy tarbiya va sportga, xususan, bolalar sportiga qaratilayotgan yuksak etibor tufayli ommaviylik oshayotgani, sog'lom turmush tarzi keng targ'ib qilinayotgani xususida takidlab, sportchilarga omad tilashdi. 

Badiiy va sport jamoalarining ko'rgazmali chiqishlari marosimga yanayam o'zgacha zavq bag'ishladi. SHundan so'ng musoboqaga start berildi. Bellashuvular 1 iyulga qadar davom etadi.

Toshkentboy YAXSHIBOEV, O'zbekiston milliy belbog'li kurash federaciyasi hakamlar hayati raisi: 

- Musobaqa ko'taringki ruhda, murosasiz va qiziqarli tusda o'tmoqda. Ishtirokchi bolalarning shiddat bilan kurash tushishi g'oliblikka ishtiyoqi yuqori ekanligadan darak berib turibdi.  Musobaqani tajribali hakamlarimiz tomonidan boshqarilayotgani esa, bellashuv etirozlarsiz va murosasiz o'tishini taminlamoqda. Mazkur musobaqada isteodli o'g'il-qizlar ko'pchilikni tashkil etayotgani ham terma jamoalarimizga munosib izdoshlar etishib chiqayotganidan, milliy belbog'li kurash yanayam rivojlanayotganidan dalolat.

Ilhom RAHMONOV Boyovut tumanidan tayyorladi