BRIKS o'yinlarida eng ko'p medalga ega bo'lgan belbog'li kurashchilarimiz jahon chempionatida ham 14 ta medal qo'lga kiritishdi + FOTO

21 iyun kuni o'tkazilgan koresh bahslarida belbog'li kurashchilarimiz 2 ta kumush, 6 ta bronza medalini qo'lga kiritgan bo'lsa, 22 iyun kungi belbog'li kurash bellashuvlarida 7 ta oltin, 9 ta kumush va 4 ta bronza medaliga ega chiqib, sport turlari orasida eng ko'p 29 ta medallar jamg'arishga muvaffaq bo'lishdi. 

Etiborli jihati, belbog'li kurash musobaqasida to'liq tarkib, yani 20 nafar polvonimiz ishtirok etdi va barchasi medallarga erishib, umumjamoa hisobida Rossiya terma jamoasidan keyin ikkinchi o'rinni band etdi.

Kecha, 23 iyun kuni shuningdek, Qozon shahrida tatar koreshi bo'yicha kattalar o'rtasida jahon chempionati o'tkazildi. Ushbu dunyo birinchiligida 31 davlatdan 300 nafarga yaqin sportchi ishtirok etdi va belbog'li kurashchilarimizning mazkur xalqaro musobaqadagi  natijalari ham tahsinga sazovor bo'ldi. 

Quyida koresh bo'yicha jahon chempionatida ishtirok etgan terma jamoamizning natijalariga etibor qaratamiz. 

Oltin medal sohibi:

Husniddin Ro'ziev - 85 kg

Kumush medal sohiblari: 

Nodir Abdumalikov - 60 

Oybek Sultonov - 70

Ilhom Mashrabov - 80 kg

Jasurbek Isroilov - 90 kg

Nodirbek Ahatjonov - 100 kg

Ilyosbek Mirzahmedov - 130 kg

Hislat Pirmatov - +130 kg

Bronza medal sohiblari:

Jamoliddin Nematullaev - 60 kg

Mardonbek Kimsanboev - 65 kg

Azizjon Azimjonov - 70 kg

Nusrat Sultonboev - 85 kg

Bekzodbek Kamoliddinov - 90 kg

Azamjon Anvarjonov - +130 kg.

Ilhom RAHMONOV tayyorladi