Bu qiziq! Boks bo'yicha Osiyo chempionatida terma jamoamizdan tashqarida faoliyat olib borayotgan mutaxassislarni bilasizmi?

Bu esa o'zbekistonlik mutaxassislarning tajribasiga, mahoratiga bo'lgan qiziqishni yanada oshiradi. 

Bugun biz Osiyo chempionatida terma jamoamiz delegaciyasidan tashqarida faoliyat olib borayotgan to'rt nafar o'zbekistonlik mutaxassis haqida malumot berib o'tmoqchimiz. 

Vladimir SHin

O'zbekistonda xizmat ko'rsatgan murabbiy, tajribali mutaxassis Yaponiya terma jamoasi safida bosh murabbiy sifatida faoliyat olib bormoqda.

Aleksandr Hamidov

Xalqaro toifadagi AIBA hakami, bir qator nufuzli musobaqalarda ishlagan. Bangkokdagi qita birinchiligida ham referi sifatida faoliyat ko'rsatmoqda. 2018 yil yakunlariga ko'ra, Osiyoda "Yilning eng yaxshi hakami" unvoniga sazovor bo'lgan.

Hasan Muhammedov

O'zbekistonlik tajribali murabbiy. Bir qator xorijiy mamlakatlar terma jamoasiga ustozlik qilgan. Tailanddagi Osiyo chempionatiga Birlashgan Arab Amirliklari terma jamoasi bokschilari murabbiyi sifatida tashrif buyurgan.

Dilshod Kazakov

Xalqaro toifadagi AIBA shifokori. Olimpiya o'yinlari, jahon chempionatlarida xam faoliyat olib borgan. 2018 yilda "Osiyoda yilning eng yaxshi texnik mutaxassisi" yo'nalishida tengsiz bo'lgan.