21 may 07:43
Yangiliklar

Tennis

Bugun Abduraimova "Rolan Garros"dagi ishtirokini boshlaydi

Franciya poytaxti Parij shahrida tennis bo'yicha "Katta Dubulg'a" turkumiga kiruvchi "Rolan Garros" turnirining saralash bahslari start olmoqda.

Musobaqaning ayollar o'rtasidagi bahslarida hamyurtimiz Nigina Abduraimova ham o'z imkoniyatini sinab ko'radi. Mamlakatimizning birinchi raketkasi saralashning ilk bosqichida Yangi Zelandiya vakilasi Lulu Sanga qarshi kortga chiqadi.

Taqqoslash uchun, Abduraimova WTA reytingida 303, San esa 128-o'rinni egallab turibdi. Ushbu uchrashuv bizning vaqt bilan soat 16:00da boshlanadi. Bu tennischilarning o'zaro o'tkazadigan ilk to'qnashuvi bo'ladi. Luli oxirgi o'tkazgan 5 ta uchrashuvining barchasida g'alaba qozongan. Nigina esa ketma-ket ikkita uchrashuvda mag'lubiyatga uchragan.