Bugun ATP Yakuniy turnirida 1/2 finallar o'tkaziladi

Musobaqada guruh bosqichi yakunlanib, yarim finalga yo'l olgan tennischilar nomi malum bo'ldi. "Qizil" guruhda Novak Jokovich yuz foizlik natija bilan kvartet g'olibi sifatida yarim finalga yo'l oldi. Serbiyalik yulduz uchinchi tur uchrashuvida rossiyalik Daniil Medvedevni 6/3, 6/7(5), 7/6(2) hisobida taslim etdi. Medvedev 3 ta mag'lubiyat bilan autsayder sifatida guruhda qolib ketdi. 

Guruhning uchinchi tur ikkinchi uchrashuvida dunyoning ettinchi raketkasi bo'lib turgan rossiyalik Andrey Rublyov asosiy raqibi, ATP reytingida uchinchi o'rinda borayotgan greciyalik Stefanos Cicipasdan 3/6, 6/3, 6/2 hisobida ustun keldi. 105 daqiqa davom etgan bahsda ikkala tennischi ham bir xil 10 tadan eys zarbasini amalga oshirib, 2 tadan qo'shxatoga yo'l qo'ygan. Andrey o'zaro uchrashuvlarda hisobni minimal darajaga qisqartirdi - 5:6.

Bugun ATP Yakuniy turnirida 1/2 final uchrashuvlari o'tkaziladi. Bizning vaqt bilan soat 18:00da dastlabki yarim final juftligida dunyoning sakkizinchi raketkasi bo'lib turgan Novak Jokovich to'qqizinchi raketka, AQSH vakili Teylor Fricga qarshi kortga chiqadi. Andrey Rublyov va Kasper Ruud o'rtasidagi ikkinchi yarim final uchrashuvi tungi 01:00da boshlanadi.