23 iyu 10:51
Yangiliklar

Qilichbozlik

“Bugun ilk marotaba birinchi o'rinni qo'lga kiritdim, shuning uchun yig'layapman". Qilichbozlik musobaqasida kuchlilar saralandi

Teglar : Qilichbozlik

21-22 iyun kunlari qilichbozlik bo'yicha Parij Olimpiadasi licenziyalari uchun kurashadigan terma jamoa tarkibini aniqlash maqsadida Olimpiya kuniga bag'ishlangan turnir o'tkazildi.

Poytaxtimizdagi Qilichbozlik federaciyasiga tegishli "Paxtakor" sport majmuasi mezbonligidagi musobaqada Toshkent shahar, Qoraqalpog'iston Respublikasi va viloyatlardan yig'ilgan 80 ga yaqin yoshlar shpaga va rapira yo'nalishlarida g'oliblik uchun bahslashdilar. Takidlash joizki, musobaqa O'zbekiston Milliy Olimpiya Qo'mitasi va Qilichbozlik federaciyasi hamkorligida tashkil etildi.

Kecha bo'lib o'tgan shpaga bo'yicha bahslarda Mirzoulug'bek Muminov 1-o'rinni qo'lga kiritdi. Finaldan so'ng, Muminov o'z taassurotlari bilan o'rtoqlashdi.

“Qilichbozlik sport turi bilan 5 yildan buyon shug'ullanaman. SHu vaqtgacha O'zbekiston chempionatlarida bir necha bor g'olib bo'lganman. Singapurda bo'lib o'tgan Ochiq turnirda 3-o'rinni qo'lga kiritganman. Mana shu turnirdagi men uchun eng qiyin o'tgan bahs SHoxruh Siddiqovga qarshi kechgan final bellashuvi bo'ldi. Sababi jarohat bilan harakat qildim. Lekin shukurki, 1-o'rinni qo'lga kiritdim. Eng katta maqsadim Parijda bo'lib o'tadigan Olimpiada o'yinlarida ishtirok etish”, - dedi Muminov.

Qizlar o'rtasida kechgan bahsda qoraqalpog'istonlik Dilnaz Murzataeva g'alaba qozondi

“Final bahsi juda ham qiyin bo'ldi, yutqazib qo'yaman deb qo'rqqandim. Sababi raqibam meni taqib qilib keldi. Ochkolar orasidagi farq hatto 1 ochkogacha qisqarib ketdi. Ammo murabbiyimning kerakli vaqtda bergan ko'rsatmalari evaziga o'zimga kelib oldim va g'alaba qozondim. Bugun ilk marotaba birinchi o'rinni qo'lga kiritdim, shuning uchun yig'layapman. Murabbiyim Qoraqalpog'istonda, bu erga kela olmaganligi sababli telefon orqali muloqot qilib turdik bahs davomida. 13 yoshimdan bu sport turi bilan shug'ullanaman. Parij Olimpiadasiga licenziyani qo'lga kiritish eng katta maqsadim”, - dedi Dilnaz Murzataeva.

Dastlabki kuni rapira, 22 iyun kuni esa shpaga yo'nalishida kuchlilar saralandi.

G'olib va sovrindorlar ro'yxati:

Rapira :

O'g'il bolalar:

1. Anvarxon Solixo'jaev

2. Ilyas Molina

3. Radmir Semeneev

3. Muhammadyusuf Asranov

Qizlar:

1. Marjona Usmonova

2. Oydinoy Naimsherova

3. Maftuna Davronova