27 avg 09:36
Yangiliklar

Dzyudo

Bugun Mudofaa vaziri Kubogi start oladi

Bugun poytaxtimizdagi MHSK sport majmuasida dzyudo bo'yicha O'zbekiston Respublikasi Mudofaa vaziri Kubogining respublika final bosqich bahslari boshlanadi.

Ushbu musobaqada Qoraqalpog'iston Respublikasi, viloyatlar hamda Toshkent shahridan saralangan o'g'il bolalar va qizlar ettitadan vazn toifasida medallar uchun tatamiga chiqadilar. Musobaqaning uchinchi kuni jamoaviy bellashuvlar tashkil etiladi.

Bugun o'g'il bolalar -60, -66, -73 kg, qizlar esa -48, -52, -57 va -63 kg vazn toifalarida medallar uchun bellashadilar. Musobaqaning saralash bahslari soat 10:00da, final bellashuvlari esa soat 17:00da boshlanadi. Ertaga, 28 avgust kuni soat 16:30da musobaqaning tantanali ochilish marosimi bo'lib otadi.