Bugun prof bokschimiz revansh jangida ringga ko'tariladi

Oqshom doirasidagi qiziqarli janglarning biri hamyurtimiz Ulug'bek Haqberdiev ishtirokida bo'lib o'tadi. Professional boksning 72,6 kg, yani o'rta vazn toifasida o'z janglarini o'tkazib kelayotgan Ulug'bek bugun revansh jangida ishtirok etadi. 

Haqberdiev olti raundga mo'ljallangan jangda rossiyalik Karen Avetisyanga qarshi ringga ko'tariladi. Bu ikki bokschi 2017 yilning 4 mart kuni Rossiyaning Krasnodar o'lkasida o'zaro to'qnash kelishgandi. O'shanda debyut jangini o'tkazgan Ulug'bek raqibini mag'lubiyatga uchratgan edi. 

Bugun charm qo'lqop ustamiz yana bir bor raqibini mag'lub etishga urinib ko'radi. Bugungi jang Haqberdiev uchun prof ringdagi oltinchisi bo'ladi. Samarqandlik bokschimiz shu kungacha o'tkazilgan 5ta jangning barchasida g'alaba qozongan. Uchta jang muddatidan avval yakunlangan. 

Taqqoslash uchun, 35 yoshli Karen Avetisyan shu kungacha 35ta jang o'tkazgan. 22ta jangda mag'lubiyat alamini totib ko'rgan, 3tasi nokaut bilan. 4ta jangda durang natija qayd etilgan. Bor yo'g'i 9ta jangda g'alaba zafar quchgan. 4ta jangda raqiblarini nokautga uchratgan. 

Tarozidan o'tish marosimidan surat