31 okt 16:37
Yangiliklar

Boks/MMA

Bugun sobiq UFC chempioni bahaybat Lesnarga qarshi jang o'tkazadi

Xabar berganimizdek, bugun Saudiya Arabistoni poytaxti Ar-Riyod shahrida restling bo'yicha kutilgan turnir bo'lib o'tadi.

Oqshomning qiziqarli janglaridan biri og'ir vaznda sobiq UFC chempioni Keyn Velaskes hamda yana bir sobiq UFC chempioni Brok Lesnar o'rtasida o'tkaziladi. Bugungi jang oldidan bu ikki sportchi ham tarozidan o'tdi. Velaskes 113, 4 kg, Lesnar esa 129,7 kg tosh bosdi.

Eslatib o'tamiz, WWE Crown Jewel turniri bugun Ar-Riyod shahridagi Qirol Fahd nomli xalqaro stadionda o'tkaziladi. Oqshomning markaziy jangida superog'ir vazn toifasida mag'lubiyatsiz odimlayotgan, sobiq jahon chempioni Tayson Fyuri mashhur restler Braun Stroumenga qarshi ringga chiqadi.