Bugun Toshkentda AIBAning nufuzli yig'ilishi boshlanadi

Ikki kunlik Ijroqo'm yig'ilishi chog'ida jahon boksiga oid ko'plab muhim masalalar ko'rib chiqiladi. Yig'ilishda har bir qitaviy boks federaciyalarining yil davomida amalga oshirgan ishlari muhokama qilinadi. Federaciya rahbarlari o'z qitalari bo'yicha xisobot berishadi.

Ijroqo'm yig'ilishida shaxsan AIBA prezidenti CHing-Kuo Vu, shuningdek, tashkilotning ijrochi direktori Karim Bouzidi, AIBA vice-prezidenti va shu bilan birga Afrika boks konfederaciyasi rahbari Kelani Boyer hamda boks olamining boshqa ko'plab mashhur rasmiy vakillari ishtirok etishadi.

Poytaxtimizda ilk bor tashkil etilayotgan bunday nufuzli tadbir ertaga o'z ishini davom ettiradi.