Bugun Toshkentda boks oqshomi o'tkaziladi, markaziy jangda jahon chempioni ringga chiqadi

O'zbekiston professional boks federaciyasi tomonidan o'tkazilayotgan boks oqshomidan bir nechta janglar o'rin olgan. Unda yurtimiz charm qo'lqop ustalaridan tashqari Rossiya, Qirg'iziston va Vetnam davlatidan kelgan bokschilar ham ringga chiqishadi.

Oqshomning markaziy jangi yarim o'rta vazn toifasida faoliyatini davom ettirayotgan hamyurtimiz Jamshid Najmiddinov ishtirokida bo'lib o'tadi. Uning raqibi farg'onalik bokschi SHerxon Mashrabjonov bo'ladi. Kecha bokschilar tarozidan o'tish marosimida ishtirok etishdi. 

Eslatib o'tamiz, Najmiddinov yaqinda Qozog'istonning Almati shahrida WFA (World Fighting Assotiation) jahon chempionlik kamari uchun ringga chiqqan va indoneziyalik Xero Titoni mag'lubiyatga uchratgan edi.

Malumot uchun, Najmiddinov bugungacha 17ta jang o'tkazgan va ularning 16tasida g'alaba qozongan. Faoliyatidagi yagona mag'lubiyatini shu yilning 16 sentyabr kuni Kiev shahrida hakamlarning xatosi tufayli ukrainalik sobiq WBC chempioni Viktor Postoldan qabul qilib olgandi.