Butunjahon suzish federaciyasi prezidenti O'zbekistonga keldi

Martabali mehmonni O'zbekiston Respublikasi Sport vaziri Adham Ikramov, OOK vice-prezidenti, MOQ raisining birinchi o'rinbosari Otabek Umarov va Qo'mita Bosh kotibi Oybek Kasimov qarshi olishdi. 

Janob Musallam safari davomida Samarqand va Toshkent shaharlarida bo'lib, qadimiy joylarni ziyorat qilish bilan birga mamlakatimizda suv sporti turlarini rivojlantirish masalalarini muhokama qildi.

Mamlakat suzish federaciyasi raisi Qudrattilla Rafikov bilan o'tgan yig'ilishda bir qator istiqbolli loyihalar ko'rib chiqildi. 

Qudratilla Mirsagatovich yangi shakllantirilgan federaciya jamoasi o'z oldiga ulkan maqsadlar qo'ygani, xususan, suv sporti turlarini mamlakatimiz bo'ylab yanada ommalashtirish, hududlardagi moddiy-texnik bazani kuchaytirish ustuvor rejalardan ekani haqida gapirib o'tdi. Qolaversa, Q.Rafikov Respublikamizning ko'plab viloyatlarida zamonaviy, xalqaro standartlar asosida yangi suzish havzalari qurilgani haqida malumot berdi.

O'z o'rnida, rasmiylar davlatimiz rahbarining qo'llab-quvvatlashi bilan suv sporti turlarining rivoji yangi bosqichga chiqishini bildirishdi. Janob Musallam yurtimizda sportga bo'lgan etibor yil sayin ortib borayotganidan xabardor ekani, bu jihat har qanday xalqaro tashkilot rahbarlarini hamkorlikda ishlashga undashini alohida takidladi.

Samimiy ruhda o'tgan suhbat davomida poytaxtimizda qad rostlayotgan Olimpiya shaharchasidagi suv sportiga ixtisoslashtirilgan obektni eng zamonaviy inventarlar bilan jihozlash, unda xalqaro musobaqalar o'tkazish, mahalliy mutaxassislarning malakasini oshirish kabi mavzularda fikr almashildi.