Buxoroda “Avtomobilsiz kun” shiori ostida ommaviy yurish marafoni bo'lib o'tdi

Bugun, 4 sentyabr kuni Buxoro shahrida viloyat hokimligi, viloyat jismoniy tarbiya va sport boshqarmasi va viloyat IIB YHXB tashabbusi bilan mutasaddi rahbarlar va aholi ishtirokida piyoda yurish marafoni o'tkazildi.

Mazkur marafon “Avtomobilsiz kun” shiori ostida, sog'lom turmush tarzini qo'llab quvvatlash va aholini jismoniy faolligini oshirish maqsadida o'tkazildi. Bunda ikki mingdan ziyod axoli bevosita ishtirok etdi. Jumladan, viloyatdagi korxona, tashkilot, talim muassasalari xodimlari hamda aholining barcha qatlami vakillari sportning ommalashuvi yo'lida ibrat ko'rsatishdi.

Piyoda yurish inson tanasi uchun eng tabiiy jismoniy jarayon hisoblanadi. Lekin, ko'pchiligimiz aksariyat hollarda ish bilan biror manzilga yo'l olar ekanmiz doimo avtoulovlardan foydalanishga o'rganib qolganmiz.

Muntazam ravishda piyoda yurish yurak-qon tomir kasalliklari xavfini oldini oladi va tanadagi ortiqcha kaloriyani yo'qotishda yordam beradi.

SHunday ekan, hayotingizning birlamchi muhim omili bo'lgan sog'ligingizga vaqtida etibor qarating va kuningizning malum bir vaqtini oilangiz yoki do'stlaringiz bilan piyoda yurish bilan o'tkazing.