CHarlz Oliveyra yaqin do'sti Alan Nasimentoning vafotidan keyin ilk bor bayonot berdi

«Hoy, do'stlar, oxirgi 2–3 kun ichida juda ko'p narsalarni eshitdim... Axir, men ham ommaga tanilgan insonman, odamlar bilan ko'p muloqot qilaman. Bugun Alanning dafn marosimi bo'ldi. U bilan vidolashayotganimda ham, uyga qaytayotgan yo'lda ham juda ko'p o'yladim... Sizlarga bitta narsani aytmoqchiman, do'stlar.

Biz allaqachon og'ir bir jamiyatda yashayapmiz. Har kuni dahshatli voqealarni ko'ryapmiz: bolalarga zo'ravonlik qilinadi, ota-onalar kaltaklanadi, odamlar arzimas sabablar bilan bir-birini o'ldiradi... Lekin men bugun bu haqda gapirmoqchi emasman. Men sizlarga faqat bitta narsani aytmoqchiman.

Yaxshi ko'radigan insonlaringizni bag'ringizga bosishdan to'xtamang. Arzimas janjallar tufayli yaxshi insonlardan uzoqlashmang. CHunki ertaga ularni quchoqlash uchun kech bo'lib qolishi mumkin. Nasimento hayotim davomida uchratgan eng mehribon insonlardan biri edi. U haqiqiy erkak edi. Ham oktagon ichida, ham undan tashqarida hammaga hurmat bilan munosabatda bo'lardi. Men uchratgan eng intizomli insonlardan biri edi. U shunchaki uyiga bordi, uxlash uchun yotdi... va ertasi kuni uyg'onmadi.

Bu juda og'ir... Juda-juda og'riqli. Men shunchaki sizlarga shuni aytmoqchi edim. Bugun qila oladigan ishingizni ertaga qoldirmang", deydi Oliveyra.