CHarlz Oliveyraning raqibi va jang sanasi aytildi + FOTO

Braziliyalik aralash yakkakurash ustasining 17 avgust kuni Avstraliyaning Pert shahrida tashkil etiladigan UFC 305 turnirida jang o'tkazishi aytilmoqda. Bu xabar bir nechta manbalarda keltirilgan. 

Oliveyra divizion reytingida 11-o'rinni egallab turgan Yangi Zelandiya jangchisi Den Xukerga qarshi oktagonga chiqadi. O'z o'rnida Xuker ham bu jangga rozilik bergan. 

"Hozircha hech qanday rasmiy xabar yo'q. Lekin men bu jangga 100 foiz tayyorman. O'ylashimcha, bu jangni muxlislar ham kutishyapti. Ko'ramiz, CHarlz jang shartnomasiga imzo chekarmikan?", - dedi Xuker.

Malumot uchun, 34 yoshli Den Xuker ikki g'alabali seriya bilan kelmoqda. U Klaudio Puelesni nokautga uchratib, Jelin Ternerni hakamlarning ayri qarori bilan mag'lubiyatga uchratgandi. 34 yoshli CHarlz Oliveyra esa aksincha, so'nggi jangida hakamlarning ayri qarori bilan Arman Carukyanga yutqazib qo'ygandi.