CHavandozlarimiz Evrosiyo ligasida yuqori natijalar qayd etishmoqda

Xalqaro ot sporti federaciyasi va Evrosiyo ot sport associaciyasi shafeligida o'tkazilayotgan musobaqada ikkinchi kun bahslari ortda qoldi.

Gollandiya, Finlyandiya, Germaniya, Armaniston, Ozarbayjon, AQSH, Polsha, Qozog'iston, Qirg'iziston kabi mamlakatlardan tashrif buyurgan mohir chavandozlar qatori hamyurtlarimiz ham shaxsiy, ham jamoaviy dasturlar, qolaversa, O'zbekiston Respublikasi Prezidenti kubogi, mamlakat yilqichilik va ot sporti federaciyasi raisi kubogi uchun ham g'oliblik yo'lida bellashishmoqda. Takidlash joiz, bahslar davomida sportchilarimiz o'zlarining yuqori natijalari bilan mutaxassislar etiborida bo'lib turishibdi. Ayni paytgacha qayd etilgan natijalar bilan tanishing:

1-yo'nalish, 140 sm to'siq balandligi:

1. Rinat Galimov, “Koko Pala” laqabli otda (Qirg'iziston)

2. Nurjan Tuyakbaev, “Lanselotta” (O'zbekiston)

3. Xurshidbek Alimjonov, “Kordon Bleu” (O'zbekiston)

2-yo'nalish, 150 sm to'siq balandligi:

1. Nurjan Tuyakbaev, “Lanselotta” (O'zbekiston)

2. Saidamirxon Turg'unboev, “Kalleko” (O'zbekiston)

3. Xurshidbek Alimjonov, “Kordon Bleu” (O'zbekiston)