CHavandozlarimiz Qozog'istonda ham g'olibona odimlashmoqda

9 mamlakat vakillari ishtirokidagi musobaqaning bugungi bellashuvlari terma jamoamiz uchun muvaffaqiyatli yakunlandi. 140 sm balandlikda o'tkazilgan dasturda “Jordi” laqabli tulporda ishtirok etgan Umid Komilov eng yaxshi natijani qayd etib, oltin medalga sazovor bo'ldi. 

Yanada ahamiyatlisi, ikki kunlik bellashuvlardan so'ng “Evrosiyo ligasining Millatlar kubogi-2022” musobaqasida raqiblarini katta tafovut bilan ortda qoldirgan terma jamoamiz yakuniy hisobidagi etakchilikni rasmiylashtirdi va bosh sovrin bilan taqdirlandi.

Malumot uchun, musobaqaning bu yilgi bahslarida jamoamiz tarkibida Bekzod Qurbonov, Nurjan Tuyakbaev, Xurshidbek Alimjonov va Umid Komilov betakror chiqishlari bilan g'alabaga munosib hissa qo'shishdi. Ushbu muvaffaqiyat jamoamizga qatorasiga ikkinchi marta joriy yil sentyabr oyida Barselonada o'tadigan Millatlar kubogining final bosqichiga yo'l ochdi.