CHempion Silva SHevchenkoga navbatga turishni taklif qildi

38 yoshli SHevchenko 28 yoshli Silvani 4 oktyabr kuni Van Cun ustidan qozongan g'alabasi va vakant qolgan chempionlik kamarini qo'lga kiritgani bilan darhol tabrikladi. "...lekin bo'shashma va kamarni asra, tez orada men uning ortidan kelaman", — deb yozdi SHevchenko ijtimoiy tarmoqlarda.

"Avvalo, uning jangni ko'rishga vaqt topgani yoqimli, to'g'rimi? Qolaversa, divizionda nimalar bo'layotganini kuzatishga ham vaqti bor ekan. Birinchidan, u darhol xatoga yo'l qo'ydi: bu endi uning kamari emas, bu meniki. Men uni qo'lga kiritdim", — dedi Silva MMA Fighting nashriga bergan intervyusida.

Bundan tashqari, braziliyalik chempion SHevchenkoning qaytishi va uning boshqa davogarlardan oldin jang qilish huquqiga ega ekanligi haqidagi fikrlarini pasaytirishga urindi.

"Rostini aytsam, Valentina endi men uchun muhim emas, — dedi Silva. — Uning kamari bo'lganida men u bilan jang qilishni xohlagandim. Hozir esa u mening raqibim bo'ladimi yoki boshqa birovmi, farqi yo'q. Menga umuman Valentina haqida o'ylashning keragi yo'q. Agar u qaytganida jang qilishni xohlasa, biz reyting va navbatga qarashimiz kerak bo'ladi, chunki yaxshi natijalar ko'rsatayotgan va jang qilishga loyiq qizlar bor".