CHempion Sultonov bugun Dohadagi yurishini boshlaydi

Mukofot jamg'armasi 25 000 AQSH dollarini tashkil etuvchi turnirda Humoyun Sultonov ham o'z mahoratini namoyish etadi. Hamyurtimiz o'tgan hafta aynan Dohadagi M15 toifasiga kiruvchi turnirda chempion bo'lgan edi. Bu turnirda ham bosh sovrinni ko'zlab harakat qiladi.

Qura natijasiga ko'ra, mamlakatimizning birinchi raketkasi ilk davrada rossiyalik Evgeniy Karlovskiyga qarshi kortga chiqadi. 1/16 final bosqichidan o'rin olgan ushbu bahs bugun soat 18:30da boshlanadi. 

Taqqoslash uchun, Sultonov dunyo reytingida 367, Karlovskiy esa 576-o'rinni egallab turibdi. SHu kungacha tennischilar o'zaro ikki bor to'qnash kelishgan - 1:1. Bugun muvozanat yo'qqa chiqadi.