CHilonzor prokurori kubogida g'olib va sovrindorlar malum FOTOGALEREYA

Poytaxtimizdagi Singapur Menejmentni rivojlantirish instituti sport saroyi ikki kun davomida kurash muxlislari bilan gavjum bo'ldi. CHilonzor tumani prokurori sovrini uchun o'tkazilgan turnirda ikki yuz nafardan ziyod polvon g'oliblik uchun bellashdilar.

CHilonzor tuman prokuraturasi, Toshkent shahar kurash federaciyasi, Toshkent shahar xalq talimi bosh boshqarmasi hamkorligida uyushtirilgan mazkur musobaqada 2010-2011 yillarda tug'ilgan bolalar 30 kg., 36 kg., 44 kg., 2007-2008 yillarda tug'ilgan o'smirlar 55 kg., 65 kg., kattalar — erkaklar 73 kg., 90 kg., +90 kg. hamda ayollar 63 kg. vazn toifalarida g'oliblik uchun gilamga chiqdi.

Unda o'z vazn toifalarida Akobir Amrulloev (30 kg.), Ibrohim Jovliev (36 kg.), Barkamol Toshpo'latov (44 kg.), Akobir Zoirov (55 kg.), Ramziddin Qayumov (65 kg.), Islom SHernazarov (73 kg.), Ernazar Xurramov (90 kg.), Buxor To'xtaev (+90 kg.) hamda Malika Qahhorova (63 kg.)lar shohsupaning eng yuqori pog'onasidan joy oldilar.

G'olib va sovrindorlarga diplom, medal va sovg'alarni Toshkent shahar prokurorining birinchi o'rinbosari Ikrom Narimov, O'zbekiston kurash federaciyasi raisining birinchi o'rinbosari Komiljon Yusupovlar topshirdi.

Suratlar muallifi - Alimurod MAMADAMINOV, o'z muxbirimiz