02 okt 13:40
Yangiliklar

Tennis

China Open. Anna Kalinskaya ishtirokini yakunladi

Dunyoning 14-raketkasi Anna Kalinskaya Xitoy poytaxti Pekin shahrida davom etayotgan WTA 1000 toifasiga kiruvchi turnirdagi ishtirokini to'xtatdi.

Rossiyalik tennis malikasi kutilmaganda WTA reytingida 115-pog'onada borayotgan ukrainalik Yuliya Starodubcevaga yutqazib qo'ydi - 5/7, 0/6. Bu tennischilarning o'zaro o'tkazgan ilk uchrashuvi bo'ldi.

To'qson olti daqiqa davom etgan bahsda Starodubceva 1 ta eys va 5 ta breykni amalga oshirib, 2 ta qo'shxatoga yo'l qo'ydi. Ukrainalik faoliyatida ilk bor WTA 1000 turniri 1/4 finaliga chiqdi va yangilangan reytingda Top-100`talikda debyut qiladi.