Chinggis Khan Cup. Bokschilarimiz 11ta medalni qo'lga kiritishdi

O'nga yaqin davlat bokschilari ishtirok etgan Chinggis Khan Cup turnirida mamlakatimizning birinchi va ikkinchi raqamli charm qo'lqop ustalari ham ringga ko'tarilishdi. SHuningdek, ayol bokschilarimizdan to'rt nafari ham o'z mahoratini namoyish etdi.

Quvonarlisi, yakunda 11 nafar bokschimiz xalqaro turnirning turli darajadagi medallarni qo'lga kiritishdi. Erkaklar o'rtasidagi bahslarda o'z vazn toifalarida Isroil Madrimov va Abdulxay SHoraxmatov barcha raqiblarini mag'lub etib, shoxsupaning eng yuqori pog'onasiga ko'tarilishdi.

Nodir Mirzahmedov, Abror Qodirov hamda Fazliddin Meliboev finalga qadar etib borib, kumush medal bilan taqdirlanishdi. Elnur Abduraimov va Zuhriddin Mahkamov esa bronza medaliga sazovor bo'lishdi.

Xotin-qiz bokschilarimizning natijasi ham kutilganidan yaxshi bo'ldi. Tursunoy Rahimova va Maftuna Melieva oltin medalni qo'lga kiritishdi. SHahnoza Nizomova kumush, Dilnoza Odiljonova bronza medaliga ega chiqdi.

Mo'g'ulistondagi turnirda terma jamoamizga Rustam Saidov va Dilmurod Hasanovlar murabbiylik qilishdi. Bekjon Yusupov esa boks bahslarida hakamlik qildi.

YAKUNIY NATIJALAR (O'g'il bolalar):

Oltin medal

Isroil Madrimov (75kg)

Abdulhay SHoraxmatov (56kg)

Kumush medal

Nodir Mirzahmedov (49kg)

Abror Qodirov (52kg)

Fazliddin Meliboev (69kg)

Bronza medal

Elnur Abduraimov (60kg)

Zuhriddin Mahkamov (81kg)

QIZLAR

Oltin

Tursunoy Rahimova (51kg)

Maftuna Melieva (60kg)

Kumush

SHahnoza Nizomova (69kg)

Bronza

Dilnoza Odiljonova (54kg)