29 mar 14:28
Yangiliklar

Kurash

CHirchiqda belbog'li kurash bo'yicha O'zbekiston chempionati o'tkazildi + FOTOGALEREYA

CHirchiq olimpiya va paralimpiya sport turlariga tayyorlash markazida kichik o'smirlar o'rtasida O'zbekiston chempionati bo'lib o'tdi.

Mazkur musobaqa CHirchiq shahrining 90 yilligiga bag'ishlandi va chempionat doirasida belbog'li kurash bo'yicha CHirchiq shahar hokimi kubogi uchun ham bellashuvlar tashkil etildi.

Qoraqalpog'iston Respublikasi, Toshkent shahri va barcha viloyatlardan jam bo'lgan 400 nafardan ziyod polvonlar belbog'li kurashning erkin va klassik yo'nalishlarida medallar uchun bel olishishdi.

Musobaqaning birinchi kunida reglamentga ko'ra, tantanali ochilish marosimi tashkil etildi.

Yuqori saviyada tashkil etilgan marosimida CHirchiq shahar hokimi Murodjon Abdurahimov, Parkent tumani hokimi, Toshkent viloyati belbog'li kurash federaciyasi raisi Sardor Isaqulov, Toshkent viloyati sport boshqarmasi boshlig'i Rustam Boboqulov, Osiyo belbog'li kurash konfedraciyasi prezidenti Mo'min Muratov, O'zbekiston davlat jismoniy tarbiya va sport universiteti rektori Rashid Matkarimov, O'zbekiston belbog'li kurash federaciyasi raisi Ravshan Dastirov, CHirchiq shahar sektor rahbarlari, deputatlar va korxona va tashkilotlar rahbarlari ishtirok etishdi.

Ochilish marosimida CHirchiq shahar hokimi Murodjon Abdurahimov, Parkent tumani hokimi, Toshkent viloyati belbog'li kurash federaciyasi raisi Sardor Isaqulov, Toshkent viloyati sport boshqarmasi boshlig'i Rustam Boboqulov, Osiyo belbog'li kurash konfedraciyasi prezidenti Mo'min Muratov hamda O'zbekiston belbog'li kurash federaciyasi raisi Ravshan Dastirovlar so'zga chiqib, sportchilarni qutlashdi va ularga omad tilashdi.

SHundan so'ng Ravshan Dastirov bir guruh faxriy mehmonlarga belbog'li kurash federaciyasining esdalik sovg'alarini topshirdi. Marosim so'nggida badiiy jamoalar tomonidan namoyish etilgan raqs va kuy-qo'shiqlar tadbir ishtirokchilarida yanayam zavq-shavq bag'ishladi.

Ochilish marosimi yakunlangach, dastlab CHirchiq shahar hokimi kubogi uchun bahslarida g'olib aniqlandi. Unga ko'ra, 50 kg. vazn toifasida mezbon sportchi Otabek SHavkatov barcha raqiblarini mag'lubiyatga uchratib, CHirchiq shahar hokimi kubogini qo'lga kiritdi.

Ikki kunlik bellashuvlarda Kamron Nosirjonov (Namangan), Daurxan Tursunbaev (Qoraqalpog'iston), Husan Enverov (Toshkent v.) Iskandar Obidov (Farg'ona), Azamat O'rolov (Sirdaryo), Ergashxon Kamolova (Andijon), SHaxrizoda Ubaydullaeva (Qashqadaryo), Hilola Faxriddinova (Navoiy) singari yosh belbog'li kurashchilar o'z vazn toifalarida chempionlikka erishdi.