CHirchiqda O'zbek jang sanati bo'yicha mamlakat Kubogi o'tkazildi + FOTOGALEREYA

Sport vazirligi hamda O'zbek jang sanati federaciyasining yillik taqvim-rejasidagi mazkur mamlakat kubogi bahslarida Toshkent shahri, Qoraqalpog'iston Respublikasi va barcha viloyatlardan 900 nafarga yaqin ishtirokchilar "Kompleks mashq", "Temuriylar jang ususli", "Jamoaviy ko'rgazmali chiqish" va "Assalom tong" yo'nalishlari bo'yicha kuch sinashishdi.

Musobaqa reglamentiga ko'ra, bellashuvlarning birinchi kuni dastlab tantanali ochilish marosimi tashkil etildi. Yuqori saviyadagi marosimda bir guruh sport jonkuyarlariga O'zbek jang sanati federaciyasi tomonidan esdalik sovg'alari topshirildi. SHundan so'ng, o'zbek jang sanati ustalarining ko'rgazmali chiqishlari namoyish etildi.

Ikki kun davom etgan "Kompleks mashq", "Temuriylar jang usuli", "Jamoaviy ko'rgazmali chiqish" va "Assalom tong yo'nalishlar bo'yicha jamoalar bor mahoratlarini namoyish etishdi. Anvar Nuraliev boshchiligidagi bir guruh hakamlar esa sportchilarning chiqishlarini baholab borishdi.

Yakuniy natijalarga ko'ra qo'ydagi jamoalar kuchli uchlikdan joy olishga muvaffaq bo'lishdi. 

Yoshlar o'rtasida umumjamoa hisobida: 

1. Andijon viloyati

2. Buxoro viloyati 

3. Toshkent shahri 

O'smirlar o'rtasida umumjamoa hisobida: 

1. Toshkent viloyati 

2. Namangan viloyati 

3. Farg'ona viloyati 

Kattalar o'rtasida umumjamoa hisobida: 

1. Toshkent shahri 

2. Jizzax viloyati 

3. Sirdaryo viloyati 

Takidlash joiz, O'zbek jang sanati sport turi navbatdagi BRIKS o'yinlari dasturidan rasman joy oldi. Mazkur O'zbekiston kubogi musobaqasi BRIKS o'yinlariga saralash vazifasini o'tab berishi bilan ham ahamiyatlidir.

Ilhom RAHMONOV tayyorladi