06 dek 09:30
Yangiliklar

Kurash

CHiroqchida “Hokim Kubogi” musobaqasi o'tkazildi + FOTO

CHiroqchi tumanidagi 1-sonli bolalar-o'smirlar sport maktabida belbog'li kurash bo'yicha 18 yoshdan 30 yoshgacha bo'lgan erkaklar va xotin-qizlar o'rtasida “Hokim Kubogi“” musobaqasi bo'lib o'tdi.

Jismoniy tarbiya va sportni aholi orasida keng targ'ib qilish, sog'lom turmush tarzini shakllantirish, olis va chekka qishloq-ovullarda sportda iqtidori yuqori bo'lgan yoshlarni erta aniqlash va katta sport sari etaklash maqsadida CHiroqchi tumanidagi 1-sonli bolalar-o'smirlar sport maktabida belbog'li kurash bo'yicha 18 yoshdan 30 yoshgacha bo'lgan erkaklar va xotin-qizlar o'rtasida “Hokim Kubogi“ musobaqasi bo'lib o'tdi.

CHiroqchi tuman hokimligi, Qashqadaryo viloyat Jismoniy tarbiya va sport boshqarmasi, O'zbekiston belbog'li kurash federaciyasi, viloyat belbog'li kurash federaciyasi, O'zbekiston “Adolat” SDPning Qashqadaryo viloyat kengashi, tuman jismoniy tarbiya va sport bo'limi, tuman xalq talimi bo'limi, 1-sonli bolalar-o'smirlar sport maktabi hamkorligida tashkil etilgan mazkur bellashuvlarda tumandagi barcha mahallalardan 200 nafardan ortiq polvonlar ishtirok etishdi.

Bayramona bezatilgan sport zalida dastlab, musobaqaning tantanali ochilish marosimi tashkil etildi.

Marosimda so'z olgan CHiroqchi tuman hokimi o'rinbosari O'ktam Abdurahimov va tuman xalq talimi bo'limi mudiri, O'zbekiston belbog'li kurash federaciyasining Qashqadaryo viloyat bo'limi raisi Farhod Jumanovlar ishtirokchilarni qutlar ekan, bugun mamlakatimizda jismoniy tarbiya va sportga, xususan milliy sport turlarimizga qaratilayotgan yuksak etibor va musobaqaga yuqori saviyada tayyorgarlik ko'rilgani haqida takidlab, musobaqa ishtirokchilariga muvaffaqiyat tilashdi.

SHundan so'ng bellashuvlarga start berildi. Kun davomida o'tgan murosasiz va qiziqarli bellashuvlarda xotin-qizlar o'rtasida ikkita vazn toifasida, erkaklar o'rtasida esa ettita vazn toifasida g'olib va sovrindorlar aniqlandi.

Musobaqa yakuniga etgach, kuchli uchlikdan joy olgan sportchilar CHiroqchi tuman hokimligi, O'zbekiston belbog'li kurash federaciyasi va uning viloyat bo'limi hamda boshqa hamkor tashkilotlar tomonidan diplom, medal va qimmatbaho esdalik sovg'alari bilan mukofotlanishdi.