CHiroqchida O'zbekiston chempionati boshlandi

O'zbekiston Respublikasi jismoniy tarbiya va sport vazirligi hamda O'zbekiston milliy belbog'li kurash federaciyasining yillik taqvim-rejasiga muvofiq o'tkazilayotgan mazkur mamlakat chempionatida Qoraqalpog'iston Respublikasi, Toshkent shahri va viloyatlardan 300 nafarga yaqin  sara polvonlar ishtirok etmoqda. 

CHiroqchidagi 1-sonli bolalar-o'smirlar sport maktabi mezbonlik qilayotgan musobaqa reglamentiga ko'ra erkaklar belbog'li kurashning klassik va erkin yo'nalishida 11, ayollar esa erkin yo'nalishning 7 ta vazn toifasida kurash tushishmoqda.

Bugun dastlab, chempionatning tantanali ochilish marosimi tashkil etildi.   Sportchilar, hakamlar va murabbiylar, muxlislar, OAV vakillari, keng jamoatchilik yig'ilgan ushbu marosimda so'z olgan tuman hokimining o'rinbosari Erkin Boboqulov, O'zbekiston milliy belbog'li kurash federaciyasi raisi Ravshan Dastirov, xalqaro belbog'li kurash federaciyasi (Borba na poyasax) sport direktori, rossiyalik Vener Gaynulin, viloyat belbog'li kurash federaciyasi raisi Farhod Jumanov va boshqalar bugun mamlakatimizda jismoniy tarbiya va sportga, xususan, milliy sport turlarimizga bo'lgan yuksak etibor bois, sportchilarimizning xalqaro musobaqalarda yurtimiz shanini munosib himoya qilayotgani xususida takidlab o'tishdi va barcha sportchilarga bellashuvda omad yor bo'lishini tilashdi.  

SHundan so'ng taniqli va xushovoz xonanda Sarvar Abdullaev tomonidan kuylangan diltortar qo'shiqlar ochilish marosimiga yanayam o'zgacha ko'taringkilik bag'ishladi. Tadbir yakuniga etgach, polvonlarning bellashuvlariga start berildi. Musobaqalar davom etadi.

Ilhom RAHMONOV tayyorladi