Cincinnati Open. Arina Sobolenko Svitolinani to'xtatdi

Dunyoning uchinchi raketkasi Arina Sobolenko Cincinnati Open musobaqasining 1/4 finaliga yo'l oldi. Belaruslik tennis malikasi uchinchi davrada WTA reytingining 30-pog'onasidan joy olgan ukrainalik Elina Svitolinani mag'lubiyatga uchratdi - 7/5, 6/2.

Arina tennischilarning o'zaro uchrashuvlari hisobida oldinda bormoqda - 4:1. To'qson to'rt daqiqa davom etgan bahsda ikkala tennischi ham 5 tadan eys zarbasini ijro etishgan. Qo'shxatolar Elinada bittaga ko'proq bo'ldi - 4 ga 3. Breyklar bo'yicha ustunlik Sobolenko tomonida - 4 ga 1! 

Bugun belaruslik tennischi 1/4 finalda rossiyalik Lyudmila Samsonovaga qarshi kortga chiqadi.