Cincinnati Open. Dunyoning birinchi raketkasi boshladi

Sayyoramizning birinchi raqamli tennischisi Iga Svyontek musobaqadagi yurishini boshladi. Polshalik tennis malikasi ikkinchi davrada WTA reytingida 69-pog'onani egallab turgan franciyalik Varvara Grachyovani uch set natijasiga ko'ra mag'lubiyatga uchratdi - 6/0, 6/7(8), 6/2.

Tennischilarning o'zaro ikkinchi uchrashuvida ham Iga g'alaba qozondi. Ikki soatu 13 daqiqa davom etgan bu galgi bahsda Svyontek 7 ta eys, 7 ta breykni amalga oshirib, 2 ta qo'shxatoga yo'l qo'ydi. Endi u Cincinnati Open turnirining uchinchi bosqichida ukrainalik Marta Kostyukka qarshi kortga chiqadi.