Cultonov Ispaniya, SHin Tunisdagi turnir 1/8 finalida kortga chiqdi

Afsuski, ularning har ikkisi ham chorak final chiptasi uchun kechgan uchrashuvlarda raqiblariga imkoniyatni boy berib, turnirdagi ishtiroklari erta yakunlashdi. SHinning mag'lubiyatini tushunish mumkindir, lekin Sultonov reytingda o'zidan 500 pog'ona quyidagi raqibga yutqazib qo'ygani kutilmagan holat bo'ldi. 

Maksim SHin Tunisning Monastir shahri mezbonlik qilayotgan M25 toifasiga kiruvchi turnirdagi ishtirokini g'alaba bilan boshlagandi. Ammo 1/8 finalda turnirning oltinchi raketkasi slovakiyalik Lukash Pokorniga murosasiz kechgan bahsda imkoniyatni boy berib qo'ydi. Ikki soatu etti daqiqaga cho'zilgan uchrashuvning har ikki seti tay-brekka qadar davom etdi - 6/7(5), 6/7(1). 

Taqqoslash uchun, Maksim SHin ATP reytingida 983, Pokorni esa 532-o'rinni egallab turibdi. 

Uzoq muddat musobaqalarda ishtirok etmagan Humoyun Sultonovning qaytishi ham o'ta omadsiz bo'ldi. Hamyurtimiz Ispanniyaing Manakor shahrida o'tkazilayotgan M15 toifasiga kiruvchi turnirining 1/8 finalida reytingda o'zidan deyarli 500 pog'ona quyida borayotgan amerikalik Gavin Yangga 1/6, 4/6 hisobida yutqazib qo'ydi. Sultonov ATP reytingida 576, Yang esa 1065-o'rinni egallab turibdi.