03 mar 07:43
Yangiliklar

Boks/MMA

Dana Uayt hozircha Maxachevga chempionlik jangi bermaydi

UFC prezidenti Dana Uayt Bobbi Grinni mag'lub etgan Islam Maxachevning engil vaznda UFC chempionigi uchun jang qilishiga ishonchi komil emas.

"Bu mavzu muhokama qilinmoqda. Lekin men hali ham uni Beneil Dariushga qarshi jang qilishini xohlayman.

Beneil - dunyoda uchinchi raqamli (yangi reytingda to'rtinchi o'ringa tushdi - tahririyat) jangchi. Ajablanarlisi shundaki, jangdan bir hafta oldin u oyog'ini sindirib olgandi. Ammo, bu masalada hech narsa qila olmaymiz. Buni sport deyishadi. Savol muhokama qilinmoqda, lekin men hali ham bu jangni ko'rishni xohlayman", - dedi Dana Uayt.

Eslatib o'tamiz, Beneil Dariush va Islam Maxachev o'rtasidagi jang 26 fevral kuni Las-Vegasda bo'lishi kerak edi. Ammo, turnirdan bir hafta oldin Dariush jarohat oldi. Natijada rossiyalik sportchi Bobbi Gringa qarshi jang o'tkazdi va birinchi raunddayoq texnik nokaut evaziga g'alaba qozondi.