30 may 12:59
Yangiliklar

Boks/MMA

Dana Uayt Nurmagomedov ishtirokidagi davogarlar jangini tasdiqladi + POSTER

Teglar : Kori Sendxagen Umar Nurmagomedov

UFC rahbari Dana Uayt o'ta engil vazn toifasida UFC chempionlik kamari uchun kimlar davogar bo'lishini malum qildi.

Uaytning aytishicha, Kori Sendxagen va Umar Nurmagomedov o'rtasidagi jang g'olibi UFC chempionlik kamari uchun rasmiy davogarga aylanadi. Ushbu jang 3 avgust kuni BAA poytaxti Abu-Dabi shahrida o'tkaziladi va UFC Fight Night turnirining markaziy jangi maqomida bo'ladi.

Aslida bu ikki aralash yakkakurash ustasi UFC on ESPN 50 turnirida o'zaro to'qnash kelishlari kerak edi. Lekin Umarning mashg'ulotda jarohat orttirib olishi natijasida bu jang kechroq muddatga ko'chirilgandi. O'sha turnirda Nurmagomedovning o'rniga oktagonga ko'tarilgan amerikalik Rob Font Sendxagen tomonidan mag'lub etilgan edi.

Malumot uchun, Umar Nurmagomedov so'nggi jangini UFC Fight Night 238 turniri doirasida qozog'istonlik Bekzat Almaxanga qarshi o'tkazib, hakamlarning yakdil qarori bilan g'alaba qozongan edi. Ayni paytda Kori UFC reytingida ikkinchi, Umar esa 9-o'rinni egallab turibdi.