09 apr 09:18
Yangiliklar

Tennis

Daniel Kollinz mavsumdagi g'alabalar bo'yicha etakchiga aylandi

Ketma-ket ikkita WTA turnirida chempion bo'lgan amerikalik tennis malikasi g'alabalar soni bo'yicha birinchi o'ringa ko'tarilib oldi.

Daniel yakshanba kuni CHarlstondagi WTA 500 toifasiga kiruvchi turnir finalida rossiyalik Darya Kasatkinani mag'lub etgandi. Bu uning mavsumdagi 24-g'alabasi bo'ldi. Kollinz undan avval Mayamidagi WTA 1000 toifasidagi turnirda ham bosh sovrin sohibasiga aylangandi.

Daniel g'alabalar soni bo'yicha dunyoning birinchi raketkasi, polshalik Iga Svyontek hamda qozog'istonlik Elena Ribakinani ortda qoldirishga muvaffaq bo'ldi. Ularning har ikkisida 22 tadan g'alaba bor. CHarlstondagi muvaffaqiyatli ishtirok sabab u WTA reytingida 24-pog'onadan 15-o'ringa ko'tarilib oldi.