Daniel Korme: Men Miochich bilan kurashmayman, jang qilaman

Korme ertangi jang oldidan tashkil etilgan matbuot anjumanida trilogiyaga ko'rgan tayyorgarligi va raqibi haqida berilgan savollarga javob qaytardi. 

"Oldimda eng oddiy yo'l turibdi — bu raqibni teykdaun holatiga tushirib, parterda ushlab turish, — deya so'z boshladi Korme. — Birinchi bor uni teykdaunga tushirganimda oz emas, ko'p emas, uch daqiqa davomida parterda ushlab turgandim. Buning uchun katta kuch kerak. Bu safar kurashishni istamayman, aksincha jang qilmoqchiman. Uning yuziga urishdan rohatlanaman. SHuning uchun ertangi jangda unga zarbalar yo'llayman".

"Ko'pchilik Olimpiada darajasidagi kurashchi ekanimni va raqibni ko'tarib erga urishim kerakligini aytmoqda. Lekin Miochich ham kurashni yaxshigina o'zlashtirib olgan. Buni o'sha birinchi jangimizda oyog'idan ushlab olgan paytimdayoq sezganman. Unda teykdaundan himoya imuniteti shakllangan. Uni shunchaki ko'tarib tashlash oson ish emas. To'g'ri, men parterda istalgan raqibdan ustunman. Ammo, bu safar jang qilmoqchiman".