Darya Kasatkina Berlin sari yurishini boshladi

Dunyoning 14-raketkasi Darya Kasatkina musobaqadagi ishtirokini g'alaba bilan boshlab oldi. Rossiyalik tennis malikasi Ladies Open ilk davrasida reytingda o'zidan ikki pog'ona quyida borayotgan ukrainalik Marta Kostyuk ustidan irodali g'alabaga erishdi - 4/6, 7/6(6), 6/3. 

Tennischilarning o'zaro uchrashuvlarida Dasha oldinda bormoqda - 4:2. Ikki soatu 40 daqiqa davom etgan bahsda Kasatkina 4, Kostyuk 1 ta eys zarbasini amalga oshirgan. Ikkala tennischi ham keragidan ortiqcha qo'shxatolarga yo'l qo'ydi - 10 ga 8, Marta foydasiga. Ikkala tennischi ham 5 tadan breykka erishdi. Endi Kasatkina ikkinchi bosqichda belaruslik Arina Sobolenkoga qarshi kortga chiqadi.