Dunyoning 7-raketkasi qatorasiga ikkinchi yil ham "Rolan Garros"ni 1-davradayoq tark etdi

Xususan, dunyoning ettinchi raketkasi Mariya Sakkari musobaqa startidayoq WTA reytingida 88-pog'onada borayotgan franciyalik Varvara Grachyovaga uch set natijasiga ko'ra imkoniyatni boy berib qo'ydi - 6/3, 4/6, 3/6. Bu tennischilarning o'zaro o'tkazgan ilk uchrashuvi edi. 

Ikki soatu 13 daqiqa davom etgan bahsda Sakkari 5, Grachyova 3 ta eys zarbasini amalga oshirgan. Qo'shxatolar Mariyada uch barobar ko'p bo'ldi 6 ga 2. Breyklar bo'yicha ustunlik Varvara tomonda - 5 ga 4!

Etiborlisi, greciyalik tennis malikasi qatorasiga ikkinchi yil ham "Rolan Garros"ni birinchi davradayoq tark etdi. O'tgan yili u bo'lajak finalchi Karolina Muxovaga yutqazib qo'ygandi. Grachyova endi Bernarda Peraga qarshi kortga chiqadi. Amerikalik tennischi birinchi bosqichda yaponiyalik Nao Xibinodan ustun keldi - 6/2, 6/0.