Dunyoning birinchi raketkasi Cincinnati "Masters" g'olibi!

Dunyoning birinchi raketkasi hal qiluvchi final uchrashuvida ATP reytingining 20-pog'onasidan joy olgan amerikalik Frensis Tiafodan ustun keldi - 7/6(4), 6/2. Tennischilarning o'zaro uchrashuvlarida Yannik oldinda bormoqda - 4:1. 

To'qson sakkiz daqiqa davom etgan bahsda Sinner 13, Tiafo 5 ta eys zarbasini amalga oshirgan. Ikkala tennischi ham 2 tadan qo'shxatoga yo'l qo'ydi. Breyklar bo'yicha ustunlik Yannik tomonda bo'ldi - 2 ga 0. 

SHu tariqa, Sinner faoliyatidagi 15-sovrinni qo'lga kiritdi. Bu uning mavsumdagi beshinchi, "Masters" seriyasiga kiruvchi turnirlardagi uchinchi sovrini bo'ldi. Italiyalik tennischi 1000 reyting ochkosi va 1 million 49 ming 460 AQSH dollariga ega chiqdi. Tiafo esa Cincinnatidagi bir haftalik mehnatidan 650 ochko va 573,090 dollar ishlab oldi.