Dunyoning birinchi raketkasi SHtutgartda 1/4 finalga chiqdi

Porsche Tennis Grand Prix turnirida 1/4 final ishtirokchilari malum bo'ldi. Sayyoramizning birinchi raqamli tennis malikasi Iga Svyontek bosh sovrin uchun asosiy davogar hisoblanmoqda. Polshalik tennischi ikkinchi davrada WTA reytingida 30-o'rinni egallab turgan belgiyalik Elize Mertensni mag'lub etdi - 6/3, 6/4.

Bu tennischilarning o'zaro o'tkazgan ilk uchrashuvi edi. To'qson to'rt daqiqalik bahsda ikkala tennischi ham bittadan eys zarbasini ijro etgan. Qo'shxatolar Elizeda bittaga ko'proq bo'ldi - 2 ga 1. Svyontek 4 ta, Mertens esa 2 ta breykni amalga oshirgan. Iga ushbu turnirning amaldagi chempioni hisoblanadi.