20 jan 21:16
Yangiliklar

Tennis

Dunyoning birinchi raketkasi uchun Australian Open yakunlandi

Melburn shahrida o'tkazilayotgan tennis bo'yicha "Katta Dubulg'a" turkumiga kiruvchi Avstraliya Ochiq chempionatining uchinchi davrasida kutilmagan natija qayd etildi.

Dunyoning birinchi raqamli tennis malikasi Iga Svyontek kutilmaganda WTA reytingida roppa-rosa 50-pog'onada borayotgan chexiyalik Linda Noskovaga 6/3, 3/6, 4/6 hisoblarida imkoniyatni boy berib qo'ydi. Tennischilarning o'zaro uchrashuvlaridagi hisob tenglashdi - 1:1.

Ikki soatu 22 daqiqa davom etgan bahsda Svyontek 3, Noskova 9 ta eys zarbasini amalga oshirdi. Qo'shxatolar 1 ga 4, breyklar esa 2 ga 3 ko'rinishida Noskova foydasiga bo'ldi. Endi Linda Australian Open turnirining to'rtinchi bosqichida ukrainalik Elina Svitolinaga qarshi kortga chiqadi.