05 iyu 11:07
Yangiliklar

Tennis

Dunyoning birinchi raketkasi Uimbldon uchinchi bosqichiga chiqdi

London shahrida tennis bo'yicha "Katta Dubulg'a" turkumiga kiruvchi Uimbldon turniri davom etmoqda.

Sayyoramizning birinchi raketkasi Iga Svyontek bosh sovrin uchun asosiy davogar bo'lib turibdi. Polshalik tennis malikasi ikkinchi bosqich bahsida WTA reytingida 85-pog'onada borayotgan xorvatiyalik Petra Martichni 6/4, 6/3 hisobida mag'lubiyatga uchratdi.

Tennischilarning o'zaro uchrashuvlaridagi hisob 4:0 ko'rinishiga keldi. Sakson daqiqa davom etgan bahsda Svyontek 2, Martich 1 ta eys zarbasini amalga oshirgan. Qo'shxatolar ham xuddi shu ko'rinishda bo'ldi. Breyklar bo'yicha ustunlik Iga tomonda - 2 ga 0! Endi u uchinchi davrada qozog'istonlik Yuliya Putincevaga qarshi kortga chiqadi.