Dunyoning birinchi raketkasi US Open to'rtinchi davrasida

Sayyoramizning birinchi raketkasi uchinchi davrada ATP reytingida 87-pog'onada borayotgan avstraliyalik Kristofer O'Konnellni ortiqcha qiyinchiliksiz mag'lubiyatga uchratdi - 6/1, 6/4, 6/2. Bu bilan u tennischilarning o'zaro uchrashuvlari hisobida oldinga chiqib oldi - 2:1.   

To'rt daqiqasi kam ikki soat davom etgan bahsda Sinner 15, O'Konnell 5 ta eys zarbasini amalga oshirgan. Qo'shxatolar avstraliyalikda ikki barobar ko'p bo'ldi - 4 ga 2. Breyklar bo'yicha mutlaq ustunlik Yannikda - 5 ga 0!