Dunyoning ikkinchi raqamli tennis malikasi 73-raketkaga yutqazib qo'ydi

Kutilmaganda sayyoramizning ikkinchi raqamli tennis malikasi, tunislik Ons Jaber o'z vatandoshlari ko'z o'ngida alamli mag'lubiyatga uchradi. Ons 2 soatu 28 daqiqa davom etgan 1/4 final uchrashuvida amerikalik Kler Liuga 3/6, 6/4, 4/6 hisobida imkoniyatni boy berib qo'ydi. 

Bu tennischilarning o'zaro o'tkazgan ilk uchrashuvi edi. WTA reytingida 73-pog'onada borayotgan Liu endi Jasmin Open Monastir turnirining final chiptasi uchun belgiyalik Elize Mertensga qarshi kortga chiqadi. Elize chorak finalda yaponiyalik Moyuka Uchijimani mag'lubiyatga uchratgan.