11 jan 12:54
Yangiliklar

Futbol

Eldor SHomurodov "Torino" bilan kelishuvga erishdi

"Roma" va O'zbekiston milliy terma jamoasi hujumchisi Eldor SHomurodov klubini o'zgartirishga yaqin.

Turin klubi rahbariyati hamyurtimiz bilan shaxsiy shartnomaning barcha bandlari bo'yicha kelishib olgan. Ayni paytda "Torino" "Roma" bosslari bilan transfer masalasida muzokara olib boryapti.

SHomurodovning "bo'rilar" bilan amaldagi shartnomasi 2026 yilning yoziga qadar mo'ljallangan. SHomaning o'zi ham Rimni tark etishga tayyor. Avvalroq "Torino" vakillari SHomurodovning transferi borasida "Roma" direktori bilan uchrashgandi.

Transfermarkt portali 27 yoshli futbolchini 7 million evroga baholamoqda. Eldor joriy mavsum A Seriyada 6 ta o'yinda maydonga tushdi.