Elina Svitolina Rim turniri uchinchi davrasiga yo'l oldi

Dunyoning 19-raketkasi bo'lib turgan Elina Svitolina musobaqaning uchinchi davra ishtirokchisiga aylandi. Ukrainalik tennis malikasi ikkinchi davrada WTA reytingida 93-pog'onadan joy olgan italiyalik Sara Erranini ortiqcha qiyinchiliksiz mag'lubiyatga uchratdi - 6/0, 6/2.

Svitolina tennischilarning o'zaro uchinchi uchrashuviga kelib ilk g'alabasini tantana qildi - 1:2. Etmish etti daqiqalik bahsda Svitolina 4 ta eys, 6 ta breyk qayd etib, 4 ta qo'shxatoga yo'l qo'ydi. Endi u rossiyalik Anna Kalinskayaga qarshi kortga chiqadi.