Endi bizda ham Olimpiada chempioni bor, terma jamoamiz 39-o'rinda!

Endi bizda ham Olimpiada chempioni bor. -49 kg vazn toifasidagi bokschimiz Hasanboy Do'smatov terma jamoamizga dastlabki oltin medalni taqdim etdi. SHuningdek, yunon-rum kurashi bahslarida gilamga chiqqan -59 kg vazn toifasidagi polvonimiz Elmurot Tasmuradov bronza medalini qo'lga kiritdi.

Undan avval dzyudochilarimiz Diyorbek O'rozboev, Rishod Sobirov, bokschimiz Rustam To'laganov terma jamoamizga bronza medallarini keltirishgan edi. O'zbekiston sport delegaciyasi 1ta oltin, 4ta bronza medali bilan umumjamoa hisobida 207 ishtirokchi davlat orasida 39-o'ringa ko'tarilib oldi.

Olimpiadaning to'qqizinchi kungi bahslaridan so'ng AQSH terma jamoasi bir kam 70ta medalni qo'lga kiritib ulgurdi. SHulardan 26tasi oltin, 21tasi kumush, 22tasi bronza medallaridir. Ikkinchi o'ringa Buyuk Britaniya terma jamoasi ko'tarilib olgan. Ularning oltin medallari soni 15taga etdi. Yana 16ta kumush va 7ta bronza medali ham bor. Xitoy terma jamoasi uchinchi o'ringa pastladi. CHin yurti jamoasi 15ta oltin, 13ta kumush, 17ta bronza medalini qo'lga kiritgan.

SHu kungacha 47ta davlat terma jamoalari kamida bir nafar Olimpiada chempioniga ega bo'lib ulgurgan. Roppa-rosa 60ta terma jamoa hisobida esa kamida bittadan kumush medal bor. Oltmish sakkizta mamlakat terma jamoasi esa kamida bittadan bronza medaliga ega bo'lib turibdi.

MEDALLAR JAMG'ARISH. TOP-10

1. AQSH – 69 (26-21-22)

2. Buyuk Britaniya – 38 (15-16-7)

3. Xitoy – 45 (15-13-17)

4. Rossiya – 30 (9-11-10)

5. Germaniya – 17 (8-5-4)

6. Franciya – 22 (7-8-7)

7. Italiya – 21 (7-8-6)

8. Yaponiya – 27 (7-4-16)

9. Avstraliya – 22 (6-7-9)

10. Janubiy Koreya – 14 (6-3-5)...

... 39. O'ZBEKISTON – 5 (1-0-4)