Endi kurashda ham reyting tizimi joriy etiladi

Musobaqa doirasida bugun Osiyo-Okeaniya kurash konfederaciyasi (KSAO) III kongressi o'tkazildi. Unda qitamizning 20ga yaqin davlati kurash federaciyalari vakillari ishtirok etdi.

Kongressda dastlab Tailand kurash associaciyasining prezidenti, yoshlar o'rtasida VI Osiyo chempionati tashkiliy qo'mitasi raisi Pulsak Sajathamnukul va Osiyo-Okeaniya kurash konfederaciyasi vice-prezidenti Mirzaquli Qurbonov mazkur musobaqani o'tkazish bo'yicha ko'rilgan tayyorgarlik ishlari haqida hisobot taqdim etdi.

Takidlash lozim, dunyo sayyohlarining sevimli maskanlaridan biri hisoblanadigan Pattayya shahri mezbonlik qilgan VI Osiyo chempionati yuqori darajada tashkil etildi. Unda qitamizning 20ga yaqin davlatidan 200dan ziyod yosh kurashchi g'oliblik uchun bahs olib borishmoqda.

Kongressda Kurash xalqaro associaciyasi (IKA) texnik direktori Rizo Nosiriy so'zga chiqib, Osiyo qitasi IKA oilasidagi eng yirik va qudratli konfederaciyalaridan biri ekanligini qayd etdi. 

“Kurash xalqaro associaciyasi tomonidan dunyo kurashchilarining reyting tizimi joriy etilmoqda. Mazkur tizim sinov tariqasida Osiyo qitasidan boshlanadi”, deb qo'shimcha qildi janob Nosiriy.

Yig'ilishda tashkiliy masala ham ko'rildi. Osiyo-Okeaniya kurash konfederaciyasining vice-prezidentlari Samsudin (Indoneziya) hamda Kim Eur Jong (Koreya Respublikasi) o'z lavozimlaridan ozod etildi.

Kongressda Bangladesh, Laos va Qirg'iziston kurash federaciyalari Osiyo-Okeaniya kurash konfederaciyasi azoligiga qabul qilindi.