Entoni Joshua: Uaylder, og'zingga siqqan pulni so'ra, biz beramiz!

Britaniyalik bokschi bu borada Uaylder uchun taklif qilinadigan gonorar summasini oshirishga ham tayyor.

“Biz Londondagi Uembli stadionini aniq bir sana uchun “bron” qilib qo'ydik. Men Uaylderga qarshi jangga tayyorman. Buning uchun jamoam bilan katta hajmdagi ish olib boryapmiz. Lekin Deontey bu jangdan qochishga intilyapti. Lekin qachongacha bu davom etadi?

Deontey, og'zingga siqqan pulni so'ra, biz uni berishga tayyormiz! Baribir bu jangdan uzoq qochib yura olmaysan. Faqat faoliyatingni yakunlash orqaligina men bilan jang qilmasliging mumkin. Boshqa barcha holatlarda yo'llarimiz kesishadi”, - dedi Joshua.